Lufta në Ukrainë ka sjellë vështirësi ekonimike në të gjithë botën, si pasojë e bllokimit të eksporteve si dhe shumë vende duke u përballur me mungesën apo rritjen e çmimeve të produkteve të shportës.
Një ndër vendet e prekur nga kriza është edhe Shqipëria, ndërsa kryeministri Edi Rama, duke cituar një raport të shtatorit të Bankës Botërore, sjell në vëmendje se vendi ynë është me nivelin e inflacionit më të ulët mbi çmimet e produkteve ushqimore.
Po ashtu, Rama thotë se rritja e çmimeve në Shqipëri është thuajse sa gjysma e rritjes së raportuar në pothuaj të gjithë vendet e rajonit.
“Sipas raportit të shtatorit të Bankës Botërore për Sigurinë Ushqimore, në analizën e efekteve të luftës mbi çmimet në produktet ushqimore dhe gjendjen e prodhimit/furnizimit, Shqipëria rezulton me nivelin e inflacionit më të ulët mbi çmimet e produkteve ushqimore, krahasuar me vendet e rajonit. Rritja e çmimeve në Shqipëri është thuajse sa gjysma e rritjes së raportuar në pothuaj të gjithë vendet e rajonit. Arsyeja themelore e frenimit të galopit të inflacionit në vendin tonë është mburoja financiare e qeverisë mbi çmimin e energjisë, i cili mbahet i paprekur nga rritja si rezultat i kompensimit masiv nga buxheti i shteti”, shkruan Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
