Gjatë një takimi me të rinjtë në Korçë, kryedemokrati Basha komentoi sërish ngjarjen e së premtes në Durrës, ku u plagos prokurori Arjan Ndoj.
Duke u ndalur në arrestimin e Redjan Rrajës si një nga atentatorët e prokurorit, Basha tha se sulmi është një atentat mafioz.
“Është zbuluar një nga autorët që besohet se ka qenë pjesë e atentatit mafioz dhe nuk është askush i panjohur, është pjesë e pushtetit, pjesë e bandave të pushtetit. E gjitha është luftë bandash, bandat në pushtet që luftojnë me njëra-tjetrën për të grabitur më shumë. Natyrisht ky është një lajm i rëndë, i cili nuk i bën aspak mirë gjendjes së vendit që është një gjendje e depresuar, depresioni psikologjik, social, mbi të gjitha ekonomik”, tha Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
