Kreu i Kuvendit Gramoz Ruçi ka pritur në një vizit zyrtare homologun e tij të Çekisë Milan Stech. Kryetari i senatit të Parlamentit çek deklaroi gjatë një konference për mediat se Shqipëria ka marrë mbështetjen e Çekisë për hapjen e negociatave me BE.
"Ne kemi vlerësuar të gjitha hapat e afrimit të Shqipërisë me kërkesat e BE dhe ne mbështesim hapjen e negociatave në këtë 6 mujor të vitit 2018. Shpresoj që marrëdhëniet mes dy vendeve të jenë akoma më të mira në të ardhmen. Ne kemi interes për bashkëpunim, këtu kemi përfaqësues nga disa ministri të Çekisë", tha Stech
Nga ana e tij, kryeparlamentari Ruçi vlerësoi marrëdhëniet mes dy vendeve, duke shprehur falenderim për mbështetjen që Çekia ka dhënë për integrimin e Shqipërisë, por edhe për mbështetjen që ka dhënë për njohjen e Kosovës.
"I shpreha mirënjohjen që Çekia i ka dhënë axhendës së integrimit të Shqipërisë në BE gjë që u shpreh edhe njëherë pas shpalosjes së strategjisë për integrimin e Ballkanit Perëndimor. Vlerësova bashkëpunimin shumëpalësh që kemi në NATO, OSBE, KE etj. Ashtu sikurse vlerësova mbështetjne që Çekia ka dhënë për njohjen e Kosovës dhe vazhdon këtë mbështetje të saj për anëtarësimin e Kosovës në UNESCO dhe në organizmat e tjera", u shpreh Ruçi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
