Protesta e 7 korrikut/ PD: Do hapim selinë dhe foltoren për shqiptarët

Partia Demokratike i ka bërë sërish sot thirrje shqiptarëve të bashkohen me protestën e 7 korrikut.

Përmes një deklarate për media, PD bën me dije se me idenë e hapjes ndaj shoqërisë,  do të hapë selinë dhe foltoren për shqiptarët.

DEKLARATA

Partia Demokratike me idenë e hapjes ndaj shoqërisë, dhe në përgatitje për frymën popullore të protestës së 7 korrikut, do të hapë selinë dhe foltoren e saj për shqiptarët. Për herë të parë, të rinj e të reja, burra e gra, profesionistë dhe fermerë, njerëz nga të gjitha fushat e shoqërisë, do të hyjnë në seli për të shpallur shqetësimet  e tyre personalisht, dhe jo nëpërmjet përfaqësuesve politikë.  Partia Demokratike, në kontratën e re sociale me shoqërinë, fton të gjithë shqiptarët që duan të ngrenë zërin, të na bashkohen çdo ditë në foltoren e selisë dhe më 7 korrik në shesh.