Ministri Vëngu takon Kurtin: Për të folur për ato ura që na lidhin

Ministri i Mbrojtjes Pirro Vëngu ndodhet ditën e sotme në Kosovë, ku është takuar me kryeministrin Albin Kurti.

Sot në Kosovë për të folur për ato ura që na lidhin, e të tjera që duhet të shtojmë në rrugëtimin tonë të përbashkët.

Në takimin tejet të hapur e miqësor me Kryeministrin Albin Kurti vendosëm theksin në forcimin e bashkëpunimit në rrafshin e mbrojtjes, stabilitetin rajonal dhe ndërveprimin e domosdoshëm me aleatët tanë për një konsolidim të subjektivitetit ndërkombëtar të Kosovës.

Me anë të një mesazhi në rrjetet sociale, Vëngu thotë se investimet e përbashkëta në mjete dhe kapital njerëzor, janë një kontribut në sigurinë kolektive.