Ish-deputeti i Partisë Demokratike, Bardh Spahia, thotë se Shqipëria e Edi Ramës nuk ka një borëpastruese për aksin e Lezhës, që është mbuluar nga dëbora. Kjo në një kohë kur për këtë rrugë paguhen 20 milionë euro për mirëmbajtjen.
Postimi i Bardh Spahisë
Pamjet nuk janë në malësinë e Pukës. Kjo është rruga kombëtare në Lezhë, e ngrirë nga ulja e paralajmëruar e temperaturave. Nuk ka asnjë borëpastruese, asnjë mjet që hedh kripë.
Makinat mezi ecin në ketë rrugë për të cilën Edi Rama thotë se paguan 20 milionë euro për mirëmbajtjen e aksit të Veriut. Ka dështuar të sigurojë për rrugët edhe standardin e Kosovës, ku çdo segment është nën kontroll, pavarësisht sasisë së dëborës.
Kur qytetarëve u duhet që qeveria të tregojë se taksat nuk shkojnë dëm, Edi Rama i lë në baltë qytetarët në qarkun e Shkodrës dhe në të gjithë Shqipërinë. Edi Rama nuk do t’ia dijë për qytetarët.
Është koha të ndryshojmë!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
