Pas humbjes së PD, ka ardhur edhe reagimi i anëtarit të PD, Edi Paloka. Nga ambientet e degës së Partisë Demokratike në Durrës, Paloka, ka adresuar akuzat drejt Vangjus Dakoës së PS, për të cilin tha se ambintet e Pallatit të Sportit kur po numëroheshin votat e KZAZ 21, Dako ka provokuar dhe fyer rëndë kryetarin e PD në Durrës, Ferdinand Xhaferrajn.
Paloka tha se ndonëse i shpallur “Non Grata”, Dako ka treguar se është ai kryetari real i PS për zgjedhjet në Durrës.
Deklarata e Palokës
Edi Rama ka bashkёpunuar dhe vazhdon tё bashkёpunojё hapur me pёrfaqёsues tё krimit.
Vangjush Dako, njeriu mё i afёrt i Ramёs nё Durrёs, nё listёn e Departamentit tё Shtetit Amerikan si figura mё e korruptuar dhe e lidhur me krimin nё Shqipёri, provokoi dhe fyeu kryetarin e Partisё Demokratike nё Durrёs, Z. Ferdinand Xhaferri. Ngjarja ndodhi nё ambjentet e Pallatit tё Sportit nё, ku numёroheshin votat e KZAZ 21 nё Durrёs. I shpallur non-grata nga SHBA, Dako nuk ka hezituar asnjё moment të tregojë se ai ёshtё kryetari real i PS-së në zgjedhjet e Durrёsit.
Sot fryma e ndryshimit ёshtё mё e madhe se asnjёherё tjetёr. Ne jemi mё tё fortё dhe mё tё vendosur se kurrё dhe me vendosmёri ne do tё luftojmё çdo ditё pёr tё mbrojtur demokracinё dhe për të sjellë sё bashku njё tё ardhme mё tё mirё pёr vendin tonё.
Ne do tё vazhdojmё tё luftojmё derisa demokracia tё fitojё.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
