Maqedonia e Veriut është një ndër shtetet më të goditura nga koronavirusi, ku me rritjen e rasteve të reja Qeveria vendase rivendosi sërish gjendjen e jashtëzakonshme.
E shtyrë deri më 22 qershor, sot Maqedonia e Veriut ka përfunduar gjendjen e jashtëzakonshme, e shpallur në kuadër të pandemisë nga presidenti Stevo Pendarovski.
E pesta me radhë, gjendja e jashtëzakonshme u shpall së fundmi më 15 qershor me qëllim që të realizohen përgatitjet e duhura për mbajtjen e zgjedhjeve së 15 korrikut, me marrëveshjen e dy liderëve, të LSDM-së Zoran Zaev dhe të VMRO-DPMNE-së, Hristijan Mickoski.
Në zgjedhjet e parakohshme parlamentare, sipas listave të dorëzuara në KSHZ, do të marrin pjesë 15 koalicione dhe parti me 1598 kandidatë.
Tashmë pritet qw me 24 qershor të nisë dhe fushata zgjedhore, e cila mbaron me 12 korrik. Gjatë kësaj fushate, partitë do të respektojnë masat për mbrojtje nga pandemia Covid-19.
Zgjedhjet e parakohshme parlamentare do të realizohet për tre ditë, ndërsa do të votohet nga ora 07:00 deri në ora 21:00.
Më 13 korrik do të votojnë personat e diagnostifikuar me Covid-19 si dhe personat të cilët kanë vendim për vetizolim.
Më 14 korrik do të votojnë personat me sëmundje kronike si dhe personat e tjerë që sipas Kodit Zgjedhor votojnë një ditë para mbajtjes së zgjedhjeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
