Edhe sot ka pasur përplasje në KZAZ nr.2 në Shkodër mes Policisë së Shtetit dhe Policisë Bashkiake.
Ashtu si ditën e djeshme, sot militantët e Partisë Demokratike nuk kanë lejuar hapjen e derës së KZAZ nr. 2 në kryeqendrën e veriut. Në momentin që anëtarët kanë shkuar te Pallati i Sportit ku është vendosur KZAZ-ja, militantët e opozitës të mbështetur nga policia bashkiake e Shkodrës i kanë bllokuar.
Policia e Shtetit kërkon të futet në ambientet e KZAZ nr.2, për krijimin e kushteve për vijimin e punës për zgjedhjet, por pengohet nga përfaqësues të Bashkisë dhe Policia Bashkiake.
Përplasja mes policisë së shtetit dhe policisë bashkiake ka nisur që prej ditës së djeshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
