Duke folur për situatën në PD Sali Berisha tregoi nga emisioni “Të Paekspozuarit” në MCN TV se si erdhi në krye të PD Lulzim Basha. Siç u shpreh Berisha përveç Bashës dhe Sokol Olldashit nuk u paraqit njeri tjetër për të kandiduar për kreun e PD.
Por Olldashi sipas Berishës bëri një gabim dhe e bëri fushatën sikur struktuarat të ishin me të dhe anëtarësia me ish-liderin.
“Ai nuk e kuptoi se nga Berisha deri te kryetari i degës nuk ishin aq të pëlqyera pas humbjes. Gjithmonë pas humbjeve faji është proporcional, por më i madh i kryetarit”, shtoi Berisha.
Pjesë nga biseda në studio:
Në 2013 caktuat Bashën kryetar, e montuat aty dhe ai nuk do të largohet. Si mund të zhbëni një gjë që e keni krijuar me mundim prej vitesh? Ju po përpiqeni të mposhtni krijesën tuaj si Flankenshtein.
Berisha: Disa nga këta që pe këtu më thoshte këtë që po më thua ti, por kishte një fakt që përveç tij dhe Olldashit nuk u paraqit njeri tjetër.
Unë nuk e pranoj dot këtë?
Berisha: Përgjegjësia është e Berishës. Unë ia hapa rrugën çdokujt përveç Berishës. Hynë në garë vetëm Basha dhe Olldashi.
Olldashi u ul me mua në një lokal dhe i thash ik se nuk fiton...
Berisha: Olldashi ishte njeri shumë i zgjuar, kishte veti prej lideri, por ku gaboi ai...
Që nuk mori anën tende...?
Berisha: I ndjeri bëri një gabim, tha strukturat janë të dhe fushatën e bëri sikur anëtarësia është me mua. Ai nuk e kuptoi se nga Berisha deri te kryetari i degës nuk ishin aq të pëlqyera pas humbjes. Gjithmonë pas humbjeve faji është proporcional, por më i madh i kryetarit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
