Tahiri pret në zyrë një prej ministrave që pritet të shkarkohen të hënën

Ministri i Punëve të Jashtme, Ditmir Bushati ka takuar ish­Ministrin Saimir Tahiri në ambientet e Ministrisë së Brendshme.

Bushati përflitet të jetë një prej ministrave që Rama mund t’u firmosë shkarkimin ditën e hënë.

Pak orë më parë, Tahiri u shkarkua nga detyra e Ministrit të Brendshëm nga kryeministri Edi Rama sipas disa burimeve të “BalkanWeb” edhe pse në media u fol se ishte ai që ia kishte paraqitur dorëheqjen kreut të qeverisës.

Megjithatë Tahiri nuk është i fundit. Të hënën pritet që Rama të firmosë zyrtarisht edhe largimin e disa ministrave të tjerë në kabinetin e tij qeveritar.

Lajmi konfirmohet për “BalkanWeb” nga burime të besueshme pranë shefit të ekzekutivit.

Të njëjtat burime saktësojnë se Rama mund të firmosë konkretisht shkarkimin e Damian Gjiknurit, Ditmir Bushati, Blendi Klosit, Lindita Nikollës, Mimi Kodheli, Bledi Çuçit dhe Ilir Beqajt.