Ministri i Transportit, Sokol Dervishaj dhe Ndihmës/Sekretari për çështjet Ndërkombëtare të Departamentit të Sigurisë së SHBA, Alan Bersin ndoqën sot nga afër zbatimin e masave të sigurisë dhe kontrollet në portin e Durrësit.
Gjatë fjalës së tij, Dervishaj vlerësoi vizitën e Bersin në Shqipëri, si një shenjë e qartë e bashkëpunimit që kemi me SHBA.
“Jemi shumë të privilegjuar që kemi zotin Bersin për vizitë këtu. Prania e zotit.Bersin këtu shenjë e qartë e bashkëpunimit që kemi me SHBA. Bashkëpunimi është i shkëlqyer, por ne kërkojmë që të rrisim edhe më shumë kapacitetet. Jemi të angazhuar maksimalisht të përmbushim sfidat dhe detyrimet tona për sigurinë”, theksoi ministri Dervishaj.
Ndërsa Ndihmës/Sekretari amerikan nga ana e tij garantoi se SHBA do të vazhdojë të mbështesë Shqipërinë nga ana e sigurisë.
“Gjatë vizitës këtu konstatoj se niveli i sigurisë është i kënaqshëm. Ne do të vazhdojmë të mbështesim Shqipërinë në aspektin e sigurisë.Jam besimplotë se edhe Administrata e re Amerikanë do vazhdojë të mbështesë palën shqiptare”, deklaroi Bersin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
