Vendet vakante në KLGJ dhe KLP, ambasada e SHBA: Rinovimi i anëtarëve, kritik për një drejtësi të pavarur

Ambasada e Shteteve të Bashkuara të Amerikës njofton se janë hapur vendet vakante në Këshillin e Lartë Gjyqësor dhe Këshillin e Lartë të Prokurorisë. Në mesazh thuhet se ky rinovim i anëtarëve të Këshillit është kritik për mbrojtjen e reformës në drejtësi në Shqipëri dhe përparimin drejt një sistemi drejtësie të pavarur dhe efektiv. “Gjashtë anëtarë të rinj do t’i bashkohen çdo Këshilli - 3 anëtarë jo-magjistratë dhe 3 anëtarë magjistratë - me një mandat pesë-vjeçar. Për anëtarët jo-magjistratë, afati i fundit për aplikim është këtë të shtunë, 5 gusht 2023. Procesi administrohet nga Kuvendi.” Detajet mbi procesin e aplikimit mund të gjenden në linqet më poshtë: -Një anëtar nga shoqëria civile: https://bit.ly/3DsUkrB (parlament.al) -Dy anëtarë nga radhët e avokatëve: https://bit.ly/3Kh22c1 (parlament.al) Për anëtarët magjistratë, afati i aplikimit është data 4 shtator 2023. Procesi administrohet nga Gjykata e Lartë dhe Prokuroria e Përgjithshme. Detajet mbi proceset e aplikimit mund të gjenden këtu: -Për Këshillin e Lartë Gjyqësor: https://bit.ly/3Otenwm (gjykataelarte.gov.al) -Për Këshillin e Lartë e Prokurorisë: https://bit.ly/3q92eDl (pp.gov.al) Ambasada e SHBA nxit të gjithë kandidatët e kualifikuar të aplikojnë për të siguruar një proces të drejtë, konkurrues dhe një tranzicion të suksesshëm. Shtetet e Bashkuara, së bashku me partnerët tanë, do ta ndjekim nga afër këtë proces në muajt në vijim.