Partia Demokratike ka shpallur mosnjohjen e rezultatit zgjedhor në Qarkun e Tiranës, ndërsa synon të fitojë në tavolinë mandatin e Ilir Alimehmetit përmes hapjes së kutive dhe rinumërimit të votave të pavlefshme.
Në një analizë për emisionin “MCN Live”, gazetari Mariglen Kume deklaroi se PD bëri një gabim strategjik duke i dhuruar katër mandate Partisë së Lirisë dhe duke lënë jashtë një figurë të besueshme dhe të votuar si kandidati Ilir Alimehmeti.
PD gaboi rëndë. T’i japësh 4 mandate një partie tjetër dhe të lësh jashtë Ilir Alimehmetin, një nga zërat më intelektualë dhe më të vlerësuar nga qytetarët, është veprim i pashpjegueshëm politikisht.
Ky vendim do të ketë kosto edhe për 12 deputetët që hynë në Kuvend nga Tirana.
Sipas tij, Partia Demokratike po përgatit një kërkesë zyrtare për rinumërimin e rreth 17 mijë votave të pavlefshme në Qarkun e Tiranës, për të tentuar të rikthejë mandatin e humbur.
Brenda verës, PD do të kërkojë verifikim të këtyre votave që beson se mund të ndikojnë në rezultatin për mandatin e 12-të. Ka indicie që një pjesë e konsiderueshme e votave të pavlefshme janë gabimisht klasifikuar dhe potencialisht mund t’i japin PD-së një mandat më shumë.
Mungesa e qartësisë dhe transparencës në qëndrimet e pjesës më të madhe të drejtuesve të PD-së po i kushton partisë besim publik dhe koherencë politike.
Përveç një ose dy zërave, të tjerët në PD nuk kanë asnjë qartësi mbi hapat e ardhshëm. Qytetarët nuk e kuptojnë dot çfarë do të ndodhë më tej.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
