Kuvendi i Republikës së Maqedonisë së Veriut ka bërë të ditur se është parashtruar kërkesë për votimin për besimin ndaj Qeverisë dhe e njëjta tashmë është arkivuar nga shërbimet përgjegjëse.
“Kryetari i Kuvendit, z. Talat Xhaferi, në pajtim me Nenin 215, paragrafi 2 i Rregullores së Kuvendit të Republikës së Maqedonisë së Veriut, do e caktojë seancën për kërkesën e parashtruar për votim të besimit ndaj Qeverisë dhe e njëjta do të mbahet ditën e tretë nga dita e parashtrimit të pyetjes për besimin ndaj Qeverisë , respektivisht e enjte (11.11.2021), në ora 11.00h. Sipas Nenit 215, paragrafi 3 i Rregullores së Kuvendit, afati për caktimin e seancës fillon të rrjedhë prej ditës së ardhshme, të parashtrimit të pyetjes për besimin ndaj Qeverisë”– thuhet në komunikatën e Kuvendit, duke shtuar se për të gjitha hapat dhe procedurat, si edhe deri tani, përfaqësuesit e mediumeve do të informohen përmes shërbimeve përgjegjëse në Kuvend.
Seanca për mosbesimin e Qeverisë vjen pasi 61 deputetë të opozitës, VMRO-DPMNE, ASH-AAA, Lëvizja Besa dhe E “Majta”, gjatë fundjavës nënshkruan iniciativën për votimin e mosbesimit të Qeverisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
