Kryedemokrati Sali Berisha në konferencën e sotme u pyet nga gazetarët për ish-drejtuesin e Partisë Demokratike, Lulzim Basha të cilin e krahasoi me Taulant Ballën.
Të komentoj unë për Taulant Ballën? Të komentoj për Lulzim Bravën është si të komentoj për Taulant Ballën. Nuk ia vlen!
Se ai identitetin e tij ia fali Taulant Ballës. Ata u bënë një. Ky është komenti im në këtë rast.
Por teksa prezantohet si kreu i Partisë Demokratike-Demokratët Euroatlantikë, Lulzim Basha, i është përgjigjur Sali Berishës.
Në një postim në rrjetet sociale Basha shkruan se “doktor pazari” duhet t’iu tregojë demokratëve se cilët janë zyrtarët e tij që kanë takuar McGonigal-in dhe a shkuan ata me dijeninë e tij.
Basha shton më tej se Berisha duhet t’u thotë demokratëve për çfarë shërbimi familja e tij mori leje për ndërtimin e kullës më të lartë në Tiranë.
Doktor pazari t’u tregojë demokratëve se cilët janë zyrtarët e tij që kanë takuar McGonigal-in. A shkuan ata me dijeninë e tij?! Janë të gjitha në dosjen McGonigal.
Doktor Pazari t’u shpjegojë demokratëve si është e mundur që pasuritë e familjes së tij janë shumëfishuar gjatë kohës që ai “luftonte” Edi Ramën në pushtet.
Doktor Pazari t’u thotë demokratëve për çfarë shërbimi familja e tij mori leje për ndërtimin e kullës më të lartë në Tiranë-Malin e Korrupsionit?
Vettingu i politikanëve nga SHBA-ja, BE-ja dhe drejtësia po nxjerr në dritë pazaret që mbajnë peng Shqipërinë dhe shqiptarët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
