Në interpelancën e mbajtur në Parlament me ministren e Infrastrukturës dhe Energjetikës, Belinda Balluku lidhur me ecurinë e punimeve në Rrugën e Arbrit, deputeti demokrat Xhelal Mziu, akuzoi se edhe ajo pjesë e rrugës që ka përfunduar nuk i plotëson standardet.
Ai tha nga foltorja e Kuvendit se ka pasur 19 herë deklarata ose të Kryeministrit ose të ministrave për fillimin apo mbarimin e punimeve, por rruga ka ngelur rrugëve.
Me Rrugën e Arbrit sikur u bë një shpikje. Rruga e parë me PPP që do bëhej do të ishte Rruga e Arbrit dhe të ishte hapi i parë i kësaj qeveria me shpikjen e PPP.
Kjo rrugë mbetet sërish një ëndërr për dibranët, bulqizakët sepse as gjysma e asaj rrugë nuk është mbaruar.
Në replikë ndaj tij, ministrja Balluku deklaroi se rruga filloi vetëm pasi qeveria analizoi studimet lidhur.
Teksa tha se së fundmi jetën politike e zhvillon në qarkun e Dibrës, mesazhet që merr nga qytetarët është se Rruga e Arbrit ka ndryshuar jetën e qytetarëve.
Të vish në foltore dhe të thuash se rrugët kanë mbetur rrugëve nga ata që i lanë rrugëve, ky është një abuzim shumë i madh. Tani zotëria e di që kur vinte në fushatë, vinte dhe kthehej brenda ditës.
Sot bujqësia në atë zonë ka lulëzuar edhe për shkak të infrastrukturës, flet për ëndrra dhe thotë Rruga e Arbrit mbeti ëndërr. Jo asgjë nuk mbeti ëndërr në qeverinë Rama.
Ëndrrat i keni ju ne kemi detyrë t’jua bëjmë ëndrrat realitet sepse ju konsiderojmë si qytetarë të Republikës së Shqipërisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
