Zëdhënësi i BE-së, Peter Stano, ka thënë se është koha që Prishtina dhe Beogradi ta përmbyllin procesin e dialogut suksesshëm në kohën kur po shënohet 9 vjetori i Marrëveshjes së Brukselit.
Stano ka thënë për Tanjug, se me nënshkrimin e Marrëveshjes së Brukselit, Kosova dhe Serbia kanë marrë detyrime ndërkombëtare të cilat duhet t’i zbatojnë.
BE-ja dhe shtetet anëtare presin përparim të shpejt nga dy palët, si dhe nga Beogradi e Prishtina që të përfshihen seriozisht në procesin e dialogut. BE-ja dhe shtetet anëtare presin që dy palët të zbatojnë të gjitha marrëveshjet për të cilat janë dakorduar.
Zëdhënësi i BE-së tha se presin të punojnë me palët për të arritur “një marrëveshje gjithëpërfshirëse për normalizimin e marrëdhënieve mes Kosovës dhe Serbisë”.
Sot mbushen nëntë vjet nga nënshkrimi i marrëveshjes së parë mes Kosovës dhe Serbisë, në Bruksel. Hashim Thaçi, atëherë kryeministër i Kosovës, dhe Ivica Daçiç i Serbisë, hodhën firmën në marrëveshjen 15 pikëshe, me qëllim të normalizimit të marrëdhënieve mes të dy vendeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
