Protesta kundër kryetarëve shqiptarë të sapozgjedhur të komunave me shumicë serbe Zveçan, Zubin Potok dhe Leposaviq, janë duke vazhduar edhe këtë të martë.
Situata e sigurisë në Zveçan, Leposaviq dhe Zubin Potok mëngjesin e së martës është e qetë, thanë nga Policia e Kosovës. Edhe sot serbët lokalë kanë vazhduar me protesta.
KFOR është pozicionuar në Zveçan mëngjesin e sotëm në afërsi të Komunës.
Pranë komunës u formua një kordon dhe pak metra përpara dhe një pengesë metalike.
Pas kordonit janë tre autoblinda të Njësisë speciale të Policisë së Kosovës.
Qasja në ndërtesën e komunës është e ndaluar teksa qytetarët vazhdojnë protestat, nata ka kaluar e qetë.
Një ditë më herët, ushtarët e KFOR-it u përleshën me protestues serbë që refuzuan t’i binden thirrjes së misionit paqeruajtës për t’u larguar nga hapësira pranë komunës së Zveçanit.
Së paku 25 ushtarë të KFOR-it u plagosën, ashtu si edhe dhjetëra protestues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
