Pas kryeministrit Edi Rama, edhe ministri i Jashtëm Ditmir Bushati ka firmosur peticionin pro Vettingut.
Ai iu bashkua nismës së shoqërisë civile për mbledhjen e firmave pro vettingut në Shkodër dhe deklaroi se Vetingu është një kusht për çeljen e negociatave me BE-në.
Bushati tha se një ditë më parë në Tiranë, Mogherini e bëri të qartë këtë kusht.
"Vendosa të firmos peticionin për vetting sepse është një pikë kthese jo vetëm për reformimin e drejtësisë dhe hapat për në BE por është një mundësi për pastrimin e jetës publike në Shqipëri. Shumë bëjnë pyetjen pse firmosin ministra e deputet. Përfaqësuesja e lartë e BE-së, Federica Mogherini e tha dje që vetting është kusht i qënësishëm për reformën dhe për ndërtimin e një shoqërie demokratike si dhe është kushti themelor për çeljen e negociatave për anëtarësim", tha Bushati.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
