Kreu i PAA-së Agron Duka në fjalën e mbajtur sot në protestën opozitare para Kryeministrisë theksoi se sot ligji në Shqipëri është bërë si një kostum sipas masës së atij që e porosit.
Sipas Dukës mazhoranca socialiste nuk po sillet si qeveritare, por si pronare e kësaj toke.
“Kjo mazhorancë ka dalë tërësisht nga binarët e ligjit dhe ata që qeverisin nuk sillen si qeveritarë, por si pronarë të kësaj toke. Ata dhurojnë toka në bregdet, duke bërë aty resortë, vila luksi, duke përdorur edhe para publike. Ata ia vënë çmimin kilometrit të rrugës sa të duan. Ata ia marrin tokën fshatarit, ia shembin shtëpinë, pa e kompensuar, apo duke i kompensuar me çmim qesharak. Miratojnë më bujë ligje për mbrojtjen e zonave të mbrojtura, dhe pastaj i ndryshojnë brenda natës. Ligji është bërë si një kostum që qepet sipas masës së atij që e porosit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
