Gjatë akitivitetit mbajtur në Tiranë në kuadër të Ditës së Drejtësië, ambasadorja amerikane Yuri Kim deklaroi se institucionet po funksionojnë dhe se reforma në drejtësi po ecën përpara.
Ndonëse vlerësoi se janë bërë shumë hapa përpara, znj. Kim tha se mbetet ende shumë për t’u bërë, ndërsa shprehu mbështetje ndaj titullarëve të institucioneve të reja të drejtësisë.
“Jam e lumtur të vë re që të gjitha isntitucionet e lindura si rezultat i zbatimit të reformës aktualisht po funksionojnë në një mënyrë kumtimplotë. Të gjithë e dinim se përparimi nuk do ishte i lehtë, po falë përpjekjeve tuaja reforma në drejtësi po lëviz përpara hap pas hapi. Institucionet janë duke funksionuar tashmë dhe po japin rezultate të prekshme për pupullin shqiptar. Publiku duhet të jetë përfituesi më i madh i të gjithë ju, institucionet e drejtësisë dhe ju që i shërbeni atyre.
Drejtësia e sundimi i ligjit duhet t’i shërbejnë popullit. Si titullarë të institucioneve të drejtësisë keni nderin dhe detyrën ti shërbeni popullit shqiptar. Dua t’ju falënderoj për gjithë punën e palodhur. Reforma në drejtësi ka bërë shumë përpara, por mbetet ende për tu bërë që Shqipëria të vendoset në shtegun e pranimit në BE”, tha Kim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
