Sipas Agron Dukës duke marrë parasysh situatën e deritanishme, PD do të ndahet në dy grupe. Nga emisioni “Të Paekspozuarit” në MCN TV, Duka tha se PD mund të bëhet edhe më e fuqishme nëse arrin në një marrëveshje edhe pas ndarjes.
“Opozita është dobësuar jo vetëm nga Basha por edhe nga Berisha. Pas datës 9 shtator, ditës së përjashtimit parlamentar filluan të flasin për biseda kafenesh. Duke qenë se politika është publike ata janë të dy të fajshëm. Basha tregoi se nuk i ka marrë vendimet vetë dhe Berisha tregoi se i ka marr vendimet gabim. Tani kemi dy grupe, të cilat kanë elementët e vet, por faktorë janë këto të dy. Për mua me këtë që shohim do ketë ndarje në dy grupe. Edhe nëse ndahen unë them që nuk është qamet i madh, ata do jenë në opozitë të dy. Është leverdi që kjo a ndodhur në fillim të mandatit. Nëse do gjejnë një kandidat të përbashkët për Durrësin p.sh mund të jenë edhe më të fuqishëm”, tha Duka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
