Ministria e Punëve të Jashtme të Maqedonisë së Veriut ka njoftuar sot dëbimin e pesë diplomatëve ruse.
Ky vendim i është bërë me dije ambasadorit rus atje, Sergey Bazdnikin, i cili është thirrur të martën në ministri.
Sipas informacioneve të marra nga organet kompetente, diplomatët rusë kanë kryer aktivitete që janë në kundërshtim me Konventën e Vjenës për Marrëdhënie Diplomatike dhe do të duhet të largohen nga territori i Republikës së Maqedonisë së Veriut brenda pesë ditëve të ardhshme”, shkruhet në njoftimin e Ministrisë së Punëve të Jashtme të Maqedonisë së Veriut.
Po ashtu, vitin e kaluar MV-ja shpalli persona non grata dy diplomatë rusë, njëri në muajin maj dhe tjetri në gusht.
Në të dyja rastet Rusia reagoi me masa reciproke, me dëbimin e diplomatëve të Maqedonisë së Veriut nga Moska.
Maqedonia e Veriut ka dënuar pushtimin rus të Ukrainës.
Ajo ka mbështetur plotësisht sovranitetit dhe integritetit territorial të Ukrainës, ndërsa i është bashkuar edhe sanksioneve të Bashkimit Evropian duke mbyllur hapësirën ajrore për fluturimet nga Moska dhe anasjelltas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
