Mërtiri: Në Shqipëri ngatërrohet morali me kodin e rrugaçit

Sociologu dhe analisti Ergys Mërtiri thotë se në shoqërinë shqiptare, gangsterizmi është kthyer në vlerë që dominon. 

Gangsterizmi është kthyer në vlerë që dominon kudo dhe dominon jo vetëm në këto getot apo zonat periferike, por deri në politikë. Po të shohësh në Parlament, mënyra se si sillen ata, sillen si të fortë. Ata vetëm se janë para kamerave aty, po të kishin kobure në brez bëjnë të njëjtën gjë.   

 

Nuk vlerësojmë njeri që punon me djersë. Qeshin njerëzit. Ngatërrohet morali, me kodin e rrugaçit. Këtu nuk kuptojnë se çfarë është morali. Morali është: ai që është i fortë, që bën budallakun, që kacafytet. Shqiptarët nuk bëjnë trimnëri, por budallallëqe. Trimërinë ta tregojnë me Ramën që u prish shtëpinë, ose në Serbi.