Firmat e mbledhura për Kuvendin e 11 dhjetorit, kanë sjell reagimin e disa delegatëve të cilat i kanë mohuar t’i kenë nënshkruar ato.
Së fundmi, delegatja e Partisë Demokratike, Freskida Rapo, ka deklaruar se firma e saj për mbledhjen e kuvendit më 11 dhjetor është falsifikuar dhe se ajo nuk e ka firmosur asnjëherë atë.
Ajo i është drejtuar me një kërkesë zyrtare Kryetarit të Këshillit Kombëtar Edi Paloka, ku i kërkohet t’i vihet në dispozicion formulari në të cilin thuhet se ajo ka hedhur firmën.
Lajmi është verifikuar nga deputeti i Partisë Demokratike, Agron Shehaj, i cili shkoi në zyrën e Edi Palokës ku ndodhen firmat e depozituara.
“Sot verifikova personalisht firmat e dorëzuara për mbledhjen e Kuvendit në datën 11 Dhjetor në degët 5 dhe 7 në Tiranë, ku jam drejtues politik dhe i zgjedhur”.
Sipas Shehajt, më shumë se 56% e delegatëve të degës 7 dhe 58% e atyre të degës 5, e kanë firmosur kërkesën për Kuvend, nga këta, 98% e atyre që Shehaj ka telefonuar, kanë konfirmuar se e kanë plotësuar formularin.
Delegatja Rapo kërkon vertetim mbi plotësimin e formularit të saj, që sipas deputetit rezulton i formësuar nga e nënshkruara, gjë që është përgënjeshtruar nga Rapo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
