Rama: Zoti e ka bërë Shqipërinë për tehla, s’duhet të lejojmë që t’i ulet koka

Kryeministri Edi Rama, në rrjetin social “Facebook” ka publikuar një video nëpërmjet të së cilës kujton Luftën Çlirimtare të Kosovës dhe hapjen e aeroportit “Zayed, Flatrat e Dijes” në Kukës.

Në pamje shihen largimet masive të qytetarëve në Kosovë për shkak të luftës, të cilat janë vendosur edhe me fotografi brenda ambienteve të aeroportit duke pasqyruar historinë e spastrimit etnik.

Video nis bardh e zi, e shfaqen sinkrone të kohës së luftës në Kosovë, ku pikërisht Kukësi, u bë porta e parë hyrëse për vëllezërit e motrat kosovare.

Rama më pas, nis të flasë e të thotë se Shqipëria është një vend i mrekullueshëm, por sipas tij, dora e mbrapshtë e robit se ka lënë të ngrihet.

Ai bën thirrjen, se tanimë, duhet që Shqipëria të ecë përpara, e nuk duhet të lejohet që “t’i ulet koka përsëri”.

“Këtu në Kukës është veriu i Shqipërisë, por nga Kukësi dhe matanë prej andej nga erdhën vëllezërit dhe motrat tanë është veriu i shqiptarisë. Dhe në këtë veri të Shqiptarisë, u shkruajt një nga historitë më tragjike, por me fundin më të lumtur. Historia e spastrimit etnik, por edhe historia e luftës Çlirimtare të Kosovës. Zoti e ka bërë Shqipërinë për telha.

Duket sikur e ka bërë ditën e diel, ku ka qenë pushim, e ka marrë me nge, e ka qëndisur në të gjithë trupin e saj. Ka qenë robi, dora e mbrapshtë e robit që s’e ka lënë Shqipërinë të ngre kokë, apo që ka bërë disa herë që Shqipëria ka ngritur kokë ia ka ulur përsëri. E tani që Shqipëria po ngre kokë s’duhet të lejojmë që të ulet koka përsëri, por duhet të bëjmë që koka e Shqipërisë të ngrihet më lart, e më lart, e më lartë”, u shpreh Rama.