Ambasadorja e SHBA në Tiranë Yuri Kim është takuar sot me kreun e SPAK Arben Kraja.
Përmes një postimi në Twitter ambasadorja ameriakne përgëzoi prokurorët dhe hetuesit që kanë prodhuar më shumë rezultate reale në emër të publikut.
Yuri Kim vë në dukje se:
“Sot takova kreun e SPAK Arben Kraja për të përgëzuar prokurorët dhe hetuesit që kanë prodhuar më shumë rezultate reale në emër të publikut shqiptar. Rekordet në rritje të hetimeve, ndjekjeve penale dhe konfiskimeve të pasurive, tregojnë se askush nuk është mbi ligjin.
SHBA do të vazhdojë të mbështesë fuqishëm reformën në drejtësi, duke përfshirë punën e SPAK për t’i dhënë fund pandëshkueshmërisë, për të mbajtur përgjegjës zyrtarët e korruptuar dhe të lidhur me krimin e organizuar, për të forcuar sundimin e ligjit në Shqipëri. Kjo është e nevojshme për të përmbushur kërkesat e BE dhe për të përmbushur kërkesat e qytetarëve për drejtësi”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
