Kreu i grupit parlamentar socialist, Taulant Balla, në hyrje të seancës parlamentare ku votohet kandidati për President, gjeneralmajor Bajram Begaj, foli për dekretin e firmosur nga Presidenti Ilir Meta nga Turqia, lidhur me pretendimet se ka shkelur Kushtetutën.
Balla tha se Kushtetuta është shumë e qartë dhe se raporti i Komisionit të Ligjeve e ka sqaruar, duke nënvizuar se janë fantazmat që kanë problem me gjeografinë.
Të thuash që kjo çështje, që konsullata shqiptare në Stamboll nuk është tokë shqiptare, por është turke, është njësoj sikur ka thënë dikur që deti i Shqipërisë është i Greqisë, apo gjykatën e Parisit që e ka bërë gjykatë amerikane se nuk shkon dot vetë në Amerikë.
Procesi është tërësisht kushtetues. Kuvendi i Shqipërisë sot ka pritur me seriozitet gjithë procedurën e nisur nga Ministria e Mbrojtjes, Kryeministri dhe Presidenti.
Nëse Berisha është i kënaqur nga Meta dhe do të çojë Metën në Kushtetuese, ta provojë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
