Partia Agrare Ambientaliste propozon masa konkrete për të rritur turizmin e brendshëm. Kreu i PAA Agron Duka, në një postim në “Facebook”, rendit disa prej tyre. Ai thotë se një masë efektive është zgjatja e fundjavës pushim, nga e premtja pasdite përfshi edhe të hënën.
Duka kërkon që të ndalen bashkitë së kërkuari taksa lokale nga hotelet si në vitet e kulmit të turizmit, të ofrohen trajnime falas, të ristrukturohen duke zgjatur afatin e shlyerjen e kredive dhe detyrimeve fiskale apo të subvencionohet një pjesë e pagës në turizëm.
PAA mbështet vaksinimin sa më parë të të gjithë grupmoshave. Ky proces ishte detyrim ligjor dhe human por jo fushatë elektorale. Qeveria Rama dështoi me vaksinimin. Imuniteti i tufës që do të lejonte turizmin nuk do të arrihet brenda fundit të verës.
-Propaganda e Rilindasve bie përballë faktit të hidhur të numrit minimal të rezervimeve në hotelet e gjithë zonave turistike.
-Shqipëria duhet të ndjekë modelin e suksesshëm të vendeve që po e zbusin krizën e turistëve të huaj duke rritur turizmin e brendshëm. Një masë efektive është zgjatja e fundjavës pushim, nga e premtja pasdite përfshi edhe të hënën.
-Të ndalen bashkitë së kërkuari taksa lokale nga hotelet si në vitet e kulmit të turizmit.
-Të ofrohen trajnime falas.
-Të ristrukturohen duke zgjatur afatin e shlyerjen e kredive dhe detyrimeve fiskale.
-Të subvencionohet një pjesë e pagës në turizëm.
-Të hiqet që tani pagesa në rrugën e kombit.
-Të eliminohen mospagesat nga buxheti për individët dhe kompanitë, ndihmat sociale dhe pagesat anti-covid që të qarkullojë më shpejtë dhe më lehtë paraja në ekonomi.
-Por më e rëndësishme është krijimi i shpresës për të ardhmen.
-PAA bën apel publik për një strategji konkrete, profesionale, transparente, realiste dhe jo elektorale për sezonin turistik 2021.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
