Vincenzo Del Monaco do të jetë kreu i ri i Prezencës së OSBE në Tiranë. Lajmi bëhet i ditur në profilin në Tuiter të Prezencës së OSBE-së në Shqipëri.
“Urime për ambasadorin Vincenzo Del Monaco, shefi i sapoemëruar i OSCE në Shqipëri. Italia ju uron suksese në sfidën tuaj të re, për të mirën e agjendës së reformave të qeverisë shqiptare dhe popullit shqiptar”, thuhet në mesazhin e përfaqësisë italiane të OSBE-së.
Detyrën e ambasadorit të OSBE-së në Tiranë e ka mbajtur deri tani Bernd Borchardt. Pas mbarimit të mandatit 4-vjeçar, ai u largua nga vendi ynë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
