Idrizi: Rasti i Belerit, ka dëshmuar mungesë reciprociteti mes Shqipërisë dhe Greqisë

Arrestimi i Fredi Belerit, kryetari të zgjedhur të bashkisë Himarë, ka çuar në thellimin e përplasjes diplomatike mes Greqisë dhe Shqipërisë.

Kreu i PDIU, Shpëtim Idrizi, gjykon se rasti i Belerit është rasti tipik se si një person zgjidhet për të krijuar tensione dhe është rasti për të kuptuar asimetrinë e Greqisë ndaj Shqipërisë.

Në “MCN live, Idrizi tha se ky ka treguar mungesën e reciprociteti mes dy vendeve.

Rasti i Belerit është rast par-exelance për të kuptuar mungesën e reciprocitetit në raportet mes dy vendeve dhe se sa të ndryshëm jemi në sjelljet institucionale.

Është e vërtetë që unë e kam quajtur një njeri të rëndomtë, një hidraulik, dhe me ketë nuk ka dashur që të stigmatizoj sepse ai ka shumë gjëra për ta stigmatizuar, por e kam përdorur në faktin që si është e mundësuar një njeri që deklaron se arsimin e lartë e ka hidraulik dhe ka kaq ngarkesa të errëta në të kaluarën e tij, apo që është i dënuar me formë te prerë nga Gjykata e Apelit për nxitje të urrejtjes kombëtare, pra në këto rekorde edhe qe del me flamurin e Vorio-Epirit, ky personazh rotabolesk, pikërisht për fatin e keq u vu edhe nga dy parti politike shqiptare, pikërisht për të ngjallë tensione siç po duket në Himarë.

Sa i përket akuzën së tij, është fjalë e gjyqësisë shqiptare, de ky njeri i akuzuar , në fund fare ka fituar edhe një grusht votash të vjedhura dhe rreth 1 mijë e ca veta kanë ardhur për të votuar për të.

Fakti që të bën përshtypje është akuzat që Athina zyrtare bën karshi Shqipërisë.