Kryedemokrati Sali Berisha u paraqit sot në SPAK, në respektim të masës “detyrim paraqitje”.
Ai e konsideroi një krim mbylljen e çështjes McGonigal dhe çështjen e inceneratorit të Tiranës.
Gazetari Arsen Rusta raporton se nuk munguan as brohoritjet nga disa të burgosur në qelitë e 313-ës, të cilët shprehën përkrahje për Berishën.
“Mbylljen e çështjes McGonigal por edhe inceneratorit e ka quajtur një krim ish-kryeministri Berisha, i cili në cilësinë e personit nën hetim për aferën Partizani, ka respektuar masën detyrim paraqitje. Nga ora 08:30 deri në 09:00 të mëngjesit ka mbërritur z.Berisha, ka qëndruar pak minuta, dhe ka lënë një shënim të cilin e ka lexuar për mediat. Duke iu drejtuar kreut të SPAK se mbyllja e çështjes McGonigal është një krim shtetëror, dhe klasifikimi i aferës së inceneratorëve si një vjedhje, duke e copëzuar është një veprim politik për mos hetuar përgjegjësit e vërtetë. Ndërsa për dosjen Partizani ai ka kërkuar të pushohet kjo akuzë e motivuar politikisht. Nuk kanë munguar përkrahësit e tij, nuk ka munguar një brohoritje nga disa prej qelive të 313-tës, me fjalët ‘o Sali o hero, gjithë Shqipëria ty të do’”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
