Konferenca e Kryetarëve ka miratuar kërkesën e mocionit me debat për kryeministrin Edi Rama në lidhje me çështjen e ndihmës ekonomike. E kërkuar nga Partia Demokratike, interpelanca e kryeministrit Rama është caktuar në datën 15 mars.
Kërkesa u depozitua dy ditë më parë nga demokratët në Kuvend, në kërkesën e të cilës nënvizohet se kemi të bëjmë me një përjashtim abuziv, “të bërë në procedura aspak transparente, në tejkalim të përcaktimeve ligjore dhe, me shumë gjasë, në kushtet e ndjekjes penale”.
“Situata e verifikuar deri më tani është shkaktuar prej papërgjeshmërisë së qeverisë dhe ka rënduar gjendjen e këtyre familjeve në kufijtë e një drame njerëzore dhe të një emergjence kombëtare, pasi ndihma ekonomike është e vetmja mundësi mbijetese për ta”, thuhet në kërkesën e PD-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
