Një nga zyrat elektorale të Partisë Socialiste në lagjen “30 Vjetori” në Berat u godit dje me gurë.
Pas ngjarjes së djeshme, policia ka mundur të identifikojë autorin e ngjarjes menjëherë pas sekuestrimit të kamerave të sigurisë të bizneseve përreth zyrës elektorale.
Pas identifikimit policia e ka shoqëruar autorin në ambientet e Drejtorisë Vendore të Policisë Berat. Autori, 17-vjeçari me inicialet Z.M., ka pranuar se ka qenë ai që ka goditur me gurë selinë, ndërsa ndaj tij ka filluar procedimi penal në gjendje të lirë për veprën penale të “shkatërrimit të pronës”.
17-vjeçari rezulton të jetë djali i kryetares së Gruas së Partisë Demokratike për zonat rurale, Këze Muska.
Selia e Partisë Socialiste Berat e cilësoi këtë ngjarje si “incident elektoral” dhe të qëllimshme për të shkaktuar përplasje gjatë fushatës elektorale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
