Kryeministri i Kosovës Avdullah Hoti në një konferencë për media së bashku me drejtorin e IKSHPK, Naser Ramadani dhe ministrin e Shëndetësisë, Armend Zemaj ka shprehur shqetësimin për rritjen e rasteve me COVID-19.
“Në bazë të informacioneve që kemi marrë sot nga IKSHPK, situata është alarmante. Nëse nuk vetëdijesohemi për të udhëzuar strikt udhëzimet e vendosura nga ekspertët shëndetësorë ne jemi detyruar t’i kthejmë masat që kanë qenë më herët për të mbrojtur jetët e qytetarëve”, ka deklaruar Hoti.
Ai ka thënë se rezultati i shkëlqyer që është arritur deri më tani nga institucionet shëndetësore duhet të ruhet.
“Unë e di që duhet të kethemi në jetën tonë të përditshme, punë, shkollë dhe çdo institucion por është tepër e rëndësishme të respektohen udhëzimet. Tashmë janë të gatshme manualet se si duhet të sillemi në shkollë, kafe, autobus”.
Hoti deklaroi se nëse vazhdon rritja e rasteve, duhet të kthehen masat e mëparshme ku sipas tij është e qartë që ekonomia do të përkeqësohet.
“Askush nuk e do një situatë të tillë, prandaj të bëjmë kujdes”, tha ndër të tjera kryeministri.
Në 24 orët e fundit në Kosovë u regjistruan 58 raste të reja me Covid-19 duke e çuar në 1,384 numrin total të të infektuarve, teksa numri i viktimave mbetet në 31.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
