Ish-ministri i Brendshëm Saimir Tahiri ka komentuar reagimin e kryeministrit Edi Rama pasi Prokuroria i çoi Kuvendit kërkesën për arrestimin e tij. Në “Top Story” Tahiri ndonëse tha se nuk kishte dëshirë të komentonte shprehjen ‘dru u shtrembër’, shtoi se deklaratat e çdo kujt duhen lexuar në kontekst dhe se nuk shihte ndonjë hata.
I pyetur nëse kryeministri e ka shtuar distancën me të, ish-ministri tha se kjo pyetje i duhet bërë Ramës.
“S’kam dëshirë të komentoj. Deklaratat e çdokujt prej nesh duhen lexuar në kontekst më të madh. Nuk shoh hata në atë që tha kryeministri”, u shpreh Tahiri.
I ‘ngacmuar’ nga Balla se ka një perceptim që pas skandalit karriera e tij politike brenda PS-së u mbyll deputeti socialist tha se nuk e lë fatin e tij në dorë të të tjerëve dhe se karrierën nuk ia mbyll askush.
“Karrierën nuk ma mbyll me urdhër askush. Fatin tim nuk e lë në dorë të të tjerëve”, tha Tahiri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
