Presidentja e Republikës së Kosovës Vjosa Osmani, u ka uruar sot besimtarëve ortodoks festën e Pashkëve.
Osmani në rrjete sociale shkroi se kjo festë duhet të jetë moment i paqes dhe humanizmit.
Presidentja Osmani tutje ka shkruar se përkundër simbolikës së kësaj feste, shumë besimtar ortodoks ukrainas, sot pashkët i kremtojnë në atmosferën e luftës.
Gëzuar Pashkët të gjithë besimtarëve ortodoksë! Kjo festë është shëmbëllim i solidaritetit, dashurisë dhe shpresës për ditë më të mira, ndaj uroj që në çdo familje të mbretërojë paqja dhe lumturia.
Pashkët janë manifestim i forcës sonë të përbashkët, humanizmit e solidaritetit, të cilat ngjallin shpresën për të ardhmen.
Fatkeqësisht, shumë besimtarë e kremtojnë këtë festë në një kohë kur paqja dhe liria në kontinentin tonë kërcënohen nga tirani dhe despotë. Andaj, solidarizohemi me shumë ukrainas që festojnë sot nën atmosferën e luftës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
