Pas debatit që ka nisur në vend me marrjen e vendimit për të strehuar afganët në disa godina të konvikteve në Qytetin Studenti ka reaguar sërish kryeministri Rama.
Me anë të një postimi në Twitter, ai shkruan se lidhja e strehimit paraprak të afganëve me “gjoja” nxjerrjen e studentëve nga konviktet është një fabrikim për të prodhuar shpifje, të cilat sipas po bëhen nga e njëjta dorë që në 30 vite “ka prodhuar shpifjet më të ulëta në vend”.
Lidhja e strehimit paraprak të afganëve që janë si ne 30 vjet më parë, me gjoja nxjerrjen e studentëve nga konviktet është fabrikim i të njëjtës dorë që prej 30 vjetësh ka vulosur ngjarjet më të zeza e prodhuar shpifjet më të ulëta në këtë vend! Ajo dorë është Turpi i Shqiptarisë.
Kujtojmë se godinat në Qytet Studenti që do të presin afganët janë ato me numër 11-12, 7-8, 24-25 dhe 14 dhe kanë gati 1200 shtretër. Ende nuk ka asnjë datë apo orar fiks se kur pritet që të mbërrijë në vendin tonë grupi i parë i afganëve.
Shkak është bërë situata kaotike në aeroportin e Kabulit në Afganistan ku talebanët kanë bllokuar edhe fluturimin e afganëve që do të strehoheshin në Shqipëri. Sot u mësua se përveç Tiranës dhe Durrësit, edhe Berati do të hapë dyert për të pritur afganët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
