Ambasadorja amerikane Yuri Kim është takuar këtë të enjte me drejtorin e Përgjithshëm të Policisë së Shteti, Gledis Nano.
Pas takimit, Kim dhe Nano mbajtën një deklaratë për mediat.
Nano falenderoi SHBA-të për mbështetjen e tyre në Policinë e Shtetit, ndërsa u shpreh se së bashku do t’ia dalin për të pasur më shumë rend dhe siguri në vend.
“Ne kemi mbështetje të plotë nga SHBA dhe i sigurova ambasadores se Policia e Shtetit do të jetë në nivelet më të larta të performancës për të luftuar krimin dhe korrupsionin. Kjo është një luftë që nuk bëhet asnjëherë vetëm. Unë jam i bindur që bashkë do t'ia dalim për të pasur rend dhe siguri më tepër në vendin tonë", tha Nano.
Ndërkohë ambasadorja Kim nga ana tjetër u shpreh se në këtë takimin e zhvilluar në kuadër të marrjes së detyrës si Drejtor i Përgjithshëm i Policisë së Shtetit nga Gledis Nano, shprehu dhe njëherë gatishmërinë për bashkëpunim të SHBA-ve dhe Shqipërisë për ligjzbatim.
"Kisha një takim shumë të mirë këtë mëngjes me z. Nano. Erdha për t'i uruar për pozicionin e ri. Për ne bashkëpunimi i ngushtë mes SHBA dhe Shqipërisë për ligjzbatimin mbetet i fortë. Ne do të vazhdojmë të jemi pranë me të gjithë ndihmën që është e mundur. Z. Nano dhe unë jemi të dy mbështetës të fortë të prezencës së policisë", tha Kim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
