Rusisë, do ti “duhet të reagojë" nëse Bosnja dhe Hercegovina bashkohet me NATO, ka bërë të ditur sot shteti rus, përmes ambasadës së saj në Sarajevë, njofton euronews.
Ambasada ruse, e quajti “akt armiqësor” një afrim të mundshëm të Bosnjes me NATO-n, përmes një shkrimi të tij të sotëm. Përmes këtij artikulli, ambasada shkoj aq larg, teksa shtroi pyetjen nëse “NATO është një spital mendor i krijuar për të hequr pacientët e saj nga frika dhe fobitë ekzistuese?"
Fill pas kësaj, zyrtarët boshnjakë denoncuan kërcënimin në fjalë, për të cilin Zeljko Komsic, anëtari kroat në presidencën trepalëshe të Bosnjës, e quajti një kërcënim jo vetëm kundër Bosnjës por edhe ndaj aleatëve të saj perëndimorë.
"Shihet qartë se kjo është padyshim një lojë gjeopolitike të cilën Rusia po e luan për të ndaluar zgjerimin e NATO-s në Evropë", tha Komsiç.
Partia kryesore boshnjake e Veprimit Demokratik tha se deklarata ruse përfaqëson "një ndërhyrje tjetër të papërshtatshme" nga Moska në punët e brendshme të Bosnjës.
Deklarata ruse vazhdoi duke thënë se asnjë zgjerim i NATO-s nuk i ka përmirësuar marrëdhëniet midis Rusisë dhe anëtarëve të rinj dhe se "vetë zgjerimi dobëson sigurinë dhe stabilitetin rajonal".
Bosnja është pjesë e Planit të Veprimit të Anëtarësimit të NATO-s, një program këshillimi dhe ndihme i krijuar për vendet që dëshirojnë të bashkohen në aleancën ushtarake, e cila aktualisht është e përbërë nga 30 vende të Evropës dhe Amerikës së Veriut.
Bosnja, Kosova dhe Serbia, një aleat rus, mbeten të vetmet kombe të Ballkanit Perëndimor që nuk janë anëtare të NATO-s.
Serbët e Bosnjës, të cilët kontrollojnë rreth gjysmën e Bosnjës pas një marrëveshje paqësore të sponsorizuar nga SH.B.A. që i dha fund një lufte të përgjakshme në vitet 1990, janë aleatë e ngushtë me Rusinë dhe qëndrojnë ashpër kundër anëtarësimit në NATO.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
