Bardhi vë në dijeni SPAK-un: Po më intimidojnë në punën time si deputet

<p>Kreu i grupit parlamentar demokrat, Gazmend Bardhi, ka denoncuar në SPAK atë që ai e cilëson tentativë për ta intimiduar.</p> <p>Në një letër drejtuar kreut të SPAK, Altin Dumani, dhe për dijeni edhe ambasadave kryesore në Tiranë, Bardhi shprehet se ka marrë në rrjetin “Signal” një dokument të falsifikuar me emrat e dy personave të përfshirë në krimin e organizuar, me mesazhin “të jesh mirë”.</p> <p>Bardhi shprehet në letër se mesazhet i kanë mbërritur pas interpelancës së datës 12 shtator me kryeministrin Rama, seancë gjatë të cilës janë përmendur disa të dhëna të platformës SKY/ECC. &nbsp;</p>