Mbledhja e përbashkët e dy qeverive, asaj të Shqipërisë dhe të Kosovës, do të mbahet nesër në bibliotekën e qytetit në Gjakovë. Zyra e Kryeministrit Albin Kurti ka publikuar axhendën finale të saj. Eventi nis me pritjen e kryeministrit Edi Rama dhe kabinetit të tij. Pas mbledhjes pritet një ceremoni e nënshkrimit të marrëveshjeve të arritura. Në orën 13:15, në Teatrin “Hadi Shehu” pritet të mbahet një konferencë e përbashkët e Kryeministrit Albin Kurti dhe Ramës. Pas konferencës pason një drekë për nder të kryeministrit Rama dhe kabinetit. Dita përfundon pas orës 16:00, kur është parashikuar një takim i dy kryeministrave me kryetarët e qyteteve që ndodhen në vijat kufitare Kosovë–Shqipëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
