Procesi i votimit në Cakran të Fierit është pezulluar pasi po votohej në zyrat e Njësisë Vendore. Deputeti demokrat, Luan Baçi thotë se policia Bashkiake e Fierit ka ardhur dhe i ka nxjerr me dhunë komisionerët sëbashku me kutitë e votimit me urdhër të kryebashkiakut të Fierit, Armando Subashit.
Sipas tij, ditën e djeshme është rënë dakord që votimi të kryhej në zyrat e njësisë vendore, por sot policia i ka nxjerr jashtë, Baçi shtoi se po punohet për të gjetur një tjetër ambient.
Votimi ka filluar në orën 08:00, por në Cakran policia bashkiake e Fierit me urdhër të Armando Subashit ka vajtur ka ndërprerë procesin e votimit në zyrat e njësisë vendore, ish-komuna. U bisedua dje me zotëritë e njësisë vendore dhe na lejuan, tani në këto momente kanë vajtur dje i kanë nxjerr me zor me kutitë e votimit, i ka nxjerr jashtë me dhunë dhe po mundohemi të gjejmë një ambient tjetër për të vazhduar procesin e votimit. Është për të ardhur keq, veprimi i Subashit dhe të gjithë subashëve të tjerë që merren me këto punë. Ta harrojnë se ndërpresin votimin, votimi do vazhdojë, po negociohet për të gjetur një ambient diku afër aty.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
