Sipas aktivistes Evi Kokalari intervistat e ambasadores Juri Kim dhe diplomatit amerikan Richard Grenell, i cili ishte disa ditë më parë në Shqipëri, nuk janë të lidhura me njëra tjetrën. E ftuar në emisionin “Të Paekspozuarit” në MCN TV, Kokalari tha Juri Kim e ka koordinuar deklaratën e saj me daljen e Berishës që flet për 4,200 firmat e mbledhura, ndërkohë që thekson se Grenell nuk foli për mediat shqiptare dhe se ka ardhur në Shqipëri si person privat.
“Nuk e besoj se intervistat janë të lidhura me njëra-tjetrën. Juri Kim duket se e ka koordinuar deklaratën e saj me daljen e Berishës që flet për 4200 firmat e mbledhura. Grenell nuk foli për mediat shqiptare, ai erdhi në Shqipëri si person privat, është shumë i afërt me Donald Trump. Para se të vinin në Shqipëri ne ishim në një event ku ishte Trump dhe Zonja e Parë. Ai e ka bërë deklaratën për një intervistë në Amerikë. Është hera e parë që ai e ka përmendur Berishën me emër. Juri Kim nuk e ka bërë për Grenall këtë”, tha Kokalari.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
