Gjykata e Apelit e Juridiksionit të Përgjithshëm, do të nisi të funksionojë në datën 1 shkurt 2023. Këshilli i Lartë Gjyqësor miratoi të hënën në mbledhje plenare, vendimin për fillimin e funksionimit të kësaj gjykate.
Vendimi vjen në zbatim të një vendimi të qeverisë “Për riorganizimin e Rretheve Gjyqësore dhe kompetencave tokësore të Gjykatave”.
Vendimi është konceptuar si një vendim kuadër që përcakton tërësinë e parimeve që do të udhëheqin procesin e zbatimit të riorganizimit të kompetencave tokësore të gjykatave të apelit.
Ai synon vijimësinë në drejtimin dhe ofrimin e shërbimeve gjyqësore, administrative dhe atyre mbështetëse nga Gjykata e Apelit të Juridiksionit të Përgjithshëm, në datën 1 shkurt 2023.
Vendimi është hartuar duke marrë në konsideratë standardet më të mira ndërkombëtare, të cilat kanë udhëhequr procesin e vlerësimit dhe përgatitjes së hartës se re gjyqësore.
Ai synon të garantojnë ofrimin e shërbimeve, specializimin dhe racionalizimin e shpenzimeve publike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
