Ministri i Infrastrukturës Liburn Aliu, ka hyrë mëngjesin e sotëm në ndërtesën e komunës së Leposaviqit, teksa serbët e grumbulluar kanë hedhur ngjyrë të kuqe dhe vezë në drejtim të xhipit të ministrit, i cili më pas është përcjellë në drejtim të stacionit të policisë. Sipas mediave serbe, Aliu ka shfrytëzuar momentin kur një numër i vogël njerëzish janë mbledhur para komunës dhe kanë hyrë për të vizituar kryetarin e sapoemëruar Lulzim Hetemi, i cili prej 16 ditësh nuk kishte dalë nga ndërtesa e komunës. Aliu kishte provuar edhe më 9 qershor që të bënte një vizitë të ngjashme, por që vet ai ka thënë se s’ishte e mundur të bëhej pasi që ka qenë Policia e Kosovës që e kishte udhëzuar që të kthehej pas në mënyrë që të shmangej tensionimi. Serbët për të 16-tën ditë po protestojnë para ndërtesës së komunës në Leposaviq. Ata po kërkojnë largimin e kryetarit dhe Njësisë Speciale nga ajo pjesë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
