Kryeministri Rama eshte takuar kete te marte ne Bruksel me komisionerin Johanes Hahn me te cilin ka diskutuar per ecurine e procesit te Vettingut.” Vettingu hyn në fazën përfundimtare” – keshtu ka deklaruar Rama ne rrjetin social Facebook pas takimit me eurokomisionerin.
“Me Komisionerin Hahn në vigjilje të Raportit të Komisionit Europian të 17 prillit, ku presim rekomandimin për çeljen e negociatave për anëtarësim në BE,” shkruan Rama.
Kreu i qeverisë nenvizon se ky ishte një takim shumë pozitiv, ku u bë bilanci i progresit tē qëndrueshëm në adresimin e prioriteteve kyçe të integrimit dhe u theksua ecuria e procesit të Vetingut
“Një takim shumë pozitiv, ku u bë bilanci i progresit tē qëndrueshëm në adresimin e prioriteteve kyçe të integrimit dhe u theksua ecuria e procesit të Vetingut – që këtë javë hyn në fazën vendimtare të zbatimit, me fillimin e dëgjesave publike të gjykatësve e prokurorëve të nivelit të lartë përpara komisionit të shkallës së parë,” shkruan kryeministri.
Qe prej dites se hënë, kryeministri Edi Rama dhe Ministri i Jashtëm Ditmir Bushati ndodhen në Bruksel.Lidhur me perspektivën e anëtarësimit të Shqipërisë në BE, gjatë ditës së sotme në Bruksel do të mbahet një konferencë me pjesëmarrjen e kryeministrit Edi Rama, ministrit për Europën dhe Punët e Jashtme Ditmir Bushati, së bashku me Presidentin e Parlamentit Europian, Antonio Tajani, përfaqësuesen e Lartë e BE, Federica Mogherini, e organizuar nga eurodeputeti David Sassoli. Ky takim parashikon një javë vendimtare për dialogun midis Tiranës dhe Brukselit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
