Kryetari i PR-së Fatmir Mediu ka paralajmëruar protesta në Himarë në mbështetje të banorëve të këtij qyteti të cilët pretendojnë se po u merret prona nga shteti. Përmes një deklarate për mediat, Mediu tha se as kryeministri e askush tjetër nuk ka të drejtë të sillet si pronar në tokat e Himarës.
Kreu i PR-së ka kërkuar kthimin e pronës tek qytetarët si një e drejtë legjitime, dhe jo vetëm në Himarë por edhe në çdo vend tjetër në bregdetin e vendit. Mediu kërkoi tiu kthehet prona, të regjistrohen dhe të paisen me çertifikate pronësie.
Kryetari i PR-së këroi nga qeveria të ndalet çdo projekt shkatërrues në emër të interesit publik korruptiv që cënon pronen legjitime dhe i shërben vetëm interesave korruptive të pushtetit.
“Çdo plan zhvillimi ka nëvojë për gjykimin dhe mbështetjen e komunitetit.
As Kryeministri dhe askush tjetër nuk ka të drejtë të sillet si pronar me pronat e bregdetasve.
Kjo perlë e natyrës shqiptare me potenciale të jashtëzakonshme për zhvillimin e turizmit do tëzhvillohet vetëm atëherë kur prona të shkoj tek i zoti, por njëkohësisht, duke ruajtur vlerat historike”, tha Mediu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
