Kur kanë mbetur edhe pak kohë nga zgjedhjet e 18 qershorit, nuk ka qetësi brenda koalicionit, pasi akuzat mes LSI dhe PS vazhdojnë. Në përgjigje të akuzave të bëra nga disa drejtues të PS-së, kësaj here ishte deputeti i LSI-së për Dibrën, Përparim Spahiu ai që hodhi akuza mbi qeverinë por mbi të gjitha ndaj socialistëve.
Spahiu tha se edhe pse premtuan ndërtimin e rrugës së Arbrit sërish nuk e ndërtuan, por si kompensim na sollën hashashin.
“Nuk kemi ndërmend të japim zgjedhjet me koncesion. Sepse zgjedhjet janë një pronë e patjetërsueshme e shqiptarëve dhe vota nuk ka çmim!
Nuk e ndërtuan Rrugën e Arbrit dhe futën si kompensim hashashin në trojet e Arbrit! Ky është një dështim spektakolar!”
LSI do ta rikthejë Fondin e Zhvillimit, në një fond të vërtetë zhvillimi të të gjithëve sepse ne duam zhvillim dhe jo hashash!” tha Spahiu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
